Wasaaradda amniga oo guddi u saaraysa shaqaqadii ka dhacday duleedka Baladweyne

Wasaaradda amniga gudaha ee xukuumadda federaalka Soomaaliya ayaa sheegtay in ay guddi u saarayso shaqaaqadii Shalay ka dhacday degaanka kala bayr ee duleedka Magaalada Baladweyne.

Wasiir ku xigeenka Wasaaradda Amniga gudaha ee xukuumadda federaalka Soomaaliya ,  C/naasi Siciid, oo u warramayay warbaahinta Qaranka ayaa sheegay in guddigan oo loo igmaday in uu ka warbixiyo, kana keena xog waafi ah wixii halkaasi ka dhacay iyo ciddii ku Lugta lahayd.

Wasiir ku xigeenka amniga Qaranka ayaa faray dhammaan hay’adaha amniga in aysan ka qeyb qaadan Ciidamada kala duwan wax qalqal gelinaya nabad gelyada iyo in aysan gacan ka geysan wax dhibaato u keeni kara xasillooniga guud.

Waxa uu Wasiir ku xigeenku ugu tacsiyeeyay Ummadda Soomaaliyeed iyo Ehelkii uu ka baxayba Taliyihii qeybta Ciidanka Boliiska Gobolka Hiiraan, Maxamed Macoow Xalane, wuxuuna sidoo kale Alle ugu baryay Xubnihii kale eek u dhaawacmay dagaalka Caafimaad deg-deg ah.





For Android Mobile users Ilwareed Online has an App available on Google Play Store, with this App you can get the latest News and Political Analysis every minute.
Download Ilwareed Now.

Follow us on Twitter #ilwareed and Facebook #ilwareedonline