Ilwareed Online
Daily News and entertainment from East Africa stay connected and get up-to-date news and events | @ilwareed | @ilwareedonline.

Wararkii ugu danbeeyay khilaafka maamul gobolleedka Galmudug

Waxaa sii xoogeysanaya khilaafka siyaasiga ah ee u dhaxeeya maamul gobolleedka Galmudug oo muuqda in lagu guul-dareysto in wax laga qabto, iyadoo madaxweynaha iyo madaxweyne ku xigeenka Galmudug ay ku kala sugan yihiin magaalooyinka Dhuusa-mareeb iyo Cadaado.

Madaxweyne ku-xigeenka Galmudug ayaa dhawaan ka furay magaalada Cadaado kalfadhigga xildhibaanada Galmudug,iyadoo halkaasi ay joogeen tiro aan dhameystirneyn taasoo sii xumeysay khilaafka madaxda sare ee Galmudug.

Dhinaca kale wararka ka imanaya magaalada Dhuusa-Mareeb ee xarunta rasmiga u ah maamulka Galmudug ayaa sheegaya in madaxweyne Xaaf uu halkaa ka wado qaban-qaabada magacaabista golle Wasiiro cusub.

Waxaa dhinaca kale muuqanaya in dowladda Soomaaliya ka gaabsatay Khilaafka ka dhaxeeya Madaxda Sare ee Galmudug, waxaana hadda muuqata in maamulka Galmudug uu labo u kala jabay.

Madaxweyne ku xigeenka gudoomiyaha Baarlamaanka ayaa wali ku doodaya in madaxweyne Xaaf uu hareermaray dastuurkii Galmudug ee la sameeyay 2015-kii.

Shirkii dhawaan ku soo dhamaaday magaalada Baydhabo oo ay ku kulmeen madaxda dowladda dhexe iyo kuwa dowlad gobolleedyada si gaar ah looguma soo qaadin arinta ku saabsan khilaafka Galmudug, inkastoo ay jireen kulamo hoose oo dhaxmaray madaxweyne Farmaajo iyo mas’uuliyiintii Galmudug ka joogtay shirka.





For Android Mobile users Ilwareed Online has an App available on Google Play Store, with this App you can get the latest News and Political Analysis every minute.
Download Ilwareed Now.

Follow us on Twitter #ilwareed and Facebook #ilwareedonline
Download ilwareed App from Google Play Store. Ilwareed App
Comments
Wuu socdaa sug...