Soomaaliya oo ka qeybgashay shir looga hadlayay xuquuqda shaqaalaha iyo daryeelka Bulshada.

Kampala:-Wasiirka shaqada iyo arrimaha Bulshada Soomaaliya Xildhibaan Sadiiq Xirsi Warfaa, ayaa Magaalada Kampala ee Dalka Yugaandha kaga qeyb galay shir looga hadlayay xuquuqda shaqaalaha iyo daryeelka Bulshada.

Shirkan oo ahaa kulankii 46-aad ayaa waxaa goobjoog ahaa madaxda 19 Waddan oo Afrikaan ah, iyadoo diiradda lagu saaray xuquuqda Shaqaalaha iyo tababariddooda, shaqa abuurka iyo la dagaalanka gaajada.

Wasiirka Shaqada iyo arrimaha Bulshada , Sadiiq Xirsi Warfaa ayaa warbaahinta Qaranka u sheegay in shirkan ay muddo ka maqnaayeen hassayeeshee hadda kadib xubinimadii Soomaaliya ay joogto noqon doonto.

Wasiir Sadiiq ayaa sheegay in tababar iyo kobcin dhanka aqoonta ah loo ballan qaaday Soomaaliya oo ay heli doonaan shaqaalaha Dowladda Soomaaliya.

Shirka ayaa soconayay muddo Saddex Cisho ah, iyadoo laga soo saaray war murtiyeed lagu sheegay in layska kaashado dhammaan waxii shirka looga hadlay.





For Android Mobile users Ilwareed Online has an App available on Google Play Store, with this App you can get the latest News and Political Analysis every minute.
Download Ilwareed Now.

Follow us on Twitter #ilwareed and Facebook #ilwareedonline