Shir looga hadlaayay ammaanka oo lagu qabtay Magaalada Dhuusa mareeb.

Madaxa Xukuumadda maamulka Galmudug Sheikh Maxamed Shaakir Cali Xasan ayaa maanta magaalada Dhuusa-mareeb waxa uu kula kulmay saraakiisha kala duwan ee ciidamada dowladda fedraalka iyo kuwa maamulka Galmudug.

Kulanka ayaa intiisa badan looga hadlay arrimaha ammaanka iyo sida ciidmadu ay u xaqiijin karaan inta lagu guda jiro shirarka dib u heshiisiinta ee dhawaan la filayo in uu ka qabsoomo magaaladaas.

Ciidamo ka tirsan kuwa dowladda ayaa lagu wareejiyay amniga Dhusa-mareeb waxaana ay ka mid aheyd heshiis ay horay u gaareen ra’iisul Wasaaraha Somalia Xasan Xali Heysre iyo madaxa golaha wasiirada Galmudug iyo hogaanka guud ee golaha Ahlu-sunah Wal-jamaaca.

Sheikh Maxamed Shakir Cali Xasan oo ah madaxa xukuumadda ee Galmudug ayaa u sheegay saraakiisha in masuuliyadi ka saarantahay amniga maadaama iyaga lagu wareejiyay taas oo uu sheegay in ay ku gudan karaan wada shaqeyn ay la yeeshaan shacabka magaalada.





For Android Mobile users Ilwareed Online has an App available on Google Play Store, with this App you can get the latest News and Political Analysis every minute.
Download Ilwareed Now.

Follow us on Twitter #ilwareed and Facebook #ilwareedonline