var _wau = _wau || []; _wau.push(["tab", "22xuqjzxkfm9", "bg5", "bottom-center"]); (function() {var s=document.createElement("script"); s.async=true; s.src="//widgets.amung.us/tab.js"; document.getElementsByTagName("head")[0].appendChild(s); })();

Sheekh Mukhtaar Rooboow Abu-mansuur oo isku dhiibay Maamulka Koonfur-galbeed

Ilwareed Online

Warar goor-dhaw naga soo gaaray Gobolka Bakool, ayaa waxay sheegayaan in Sheekh Mukhtaar Rooboow Cali [Abuu Mansur] uu isku dhiibay maamulka Koonfur-galbeed iyo Dowladda Federaalka Soomaaliya.

Is-dhiibidda Sheekh Abu-Mansuur ayaa ku timid kaddib wadahadallo saacado badan qaatay oo ay yeesheen Sheeekh Roobow iyo mas’uuliyiin maamulka Koonfur-galbeed ka tirsan oo ku sugan Gobolka Bakool, Waxaanu Sheekhu is-dhiibay iyadoo aanay wax ciidammo ah al socon.

Afhayeenka madaxtooyada Maamulka Koonfur-galbeed Nuuraddiin Gacma ayaa u xaqiijiyey warbaahinta, in Sheekh Abuu-Mansuur loo soo qaadi doono degmada Xudur ee Gobolka Bakool.

Sidoo kale, Tallaabadan ayaa imaanaysa iyadoo Maraykanka uu dhawaan ku dhawaaqay inuu liiska kooxaha argagaxisada ah ka saaro Sh. Abu-Mansur oo muddo sannado ah lacagi dul-saarnayd.

Go’aanka Xukuumadda Mareykanka ay Sheekh Abuu-Mansuur uga saartay liiska kooxaha argagaxisada ah ayaa ssababtay in Sheekh Rooboow uu kala kulmo culeys kooxdii uu ka tirsanaa ee Al-shabaab.

Ugu dambeyn, Dagaallo labadii maalmood ee lasoo dhaafay Gobolka Bakool ku dhexmaray ciidamada Al-shabaab iyo kuwa Sheekh Mukhtaar Roobow oo loo yaqaan Abu-mansuur ayaa sababay dhimashada ugu yaraan 40-ruux iyo dhimashada tiro intaas ka badan.



Mogadishu – Somalia

Wixii warbixin ah waxaad noogu soo diri kartaa email: [email protected]
fadlan like saar boggeena facebook : @ilwareedonline

You might also like More from author

Comments are closed.