Shacabka magaalada Gaalkacyo oo gargaar soo gaarsiiyay Beledweyne

Gaalkacyo:-Waxaa Magaalada Gaalkacyo lagu sagootiyey Maanta 3 Gaari oo nooca Candhameydlaha loo yaqaan ah iyo Guddiga gargaarka deg-degga ee dhanka Caafimaadka oo ka kooban 5 xubnood, si ay ugu gurmadaan Dadka ay waxyeellada kasoo gaartay fatahaadda Webiga Shabeelle ee mara Baladweyne.

Deeqdan oo noocyo kala duwan isugu jirtay ayaa waxaa soo uruuriyay Shacabka Gobolka Mudug , waxaana sagootinteeda goob joog ka ahaa, Dhalinayaro, aqoonyanno, Culimaa’udiin, Saxafiyiin, Bulshada qeybaheeda kala duwan ee reer Gaalkacyo , maamulka Degmada Gaalkacyo, Guddoomiyaha Gobolka iyo ku Xigeenkiisa .

Magaalada Beledweyne ayaa waxaa ka jirta xaalad adag oo haysata dadka ay saameeyeen fatahaadda webiga Shabeelle , iyadoo ay qaar ka mid ah bulshada Soomaaliyeed ee ku dhaqan gobolada dalka ay isku xilqaamayaan in ay gargaar soo gaarsiiyaan dadkaasi tabaalaysan.





For Android Mobile users Ilwareed Online has an App available on Google Play Store, with this App you can get the latest News and Political Analysis every minute.
Download Ilwareed Now.

Follow us on Twitter #ilwareed and Facebook #ilwareedonline