Maamul Degmadda Raage Ceelle oo ka hadlay Waxyaabaha u baahan yihiin Jabhadda Macawiisleyda

Xildhibaano ka tirsan Barlamaanka Soomaaliya iyo Masuuliyiin kamid ah Dowlad Goboleedka Hirshabeelle ayaa dhawaan waxaa ay booqasho  ku tageen Degmooyin iyo Deegaano ay Jabhadda Macawiisleyda ah kula dagaalameen Maleeshiyaadka  Al-shabaab ee Gobolka Shabeeladda dhexe halkaasi waxaa ay gaarsiiyeen gurmad dhiirigalin ah.

Gudoomiyaha Degmada Raage Ceelle  ayaa mid ahaa wafdiga Masuulyiinta soo dhaweeyay  ayaa waxaana uga waramay Radio Muqdisho meelaha ay wafdiga  tageen  iyo  balanqaadyadda ay u sameeyeen Jabhadda iyagoo ku  dhiirigalayay  inay  dadaalkooda  xoojiyaan  ayna  fariintooda   gaarsiinayaan Dawlada  Dhexe si ay uga Jawaabto.

Gudoomiyaha Degmadda Raage Raage Ceelle ayaa sheegay in Macawiisleydu igu iska abaabuleen Gobolka Shabeellaha Dhexe kadib markii ay u dulqaadan waayeen dhibaatooyinka dadka Shacabka ah ku hayaan Maleeshiyaadka Al Shabaab.

“Jabhadda Macaweysleyda waxaa ay ku soo dagaalameen dhibaato aad u dhib badan oo aanan hadda lasoo koobi Karin waxaa ay soo mareen marxaladdu kala duwan balse hadda runtii waxaa ay marayaan meel fiican, waxaan u baahan nahay in aan helno garab buuxa oo dhankasta ah” sidaas waxaa sheegay Gudoomiyaha Degmadda Raage Ceelle.





For Android Mobile users Ilwareed Online has an App available on Google Play Store, with this App you can get the latest News and Political Analysis every minute.
Download Ilwareed Now.

Follow us on Twitter #ilwareed and Facebook #ilwareedonline