var _wau = _wau || []; _wau.push(["tab", "22xuqjzxkfm9", "bg5", "bottom-center"]); (function() {var s=document.createElement("script"); s.async=true; s.src="//widgets.amung.us/tab.js"; document.getElementsByTagName("head")[0].appendChild(s); })();

Dowladda UK oo Soomaaliya ka taageereysa dagaalka Al-shabaab

Ilwareed Online

War kasoo baxay safaaradda Ingiriisku ku leeyahay Soomaaliya waxaa looga hadlay safaro uu wasiirka dawlada Ingiriiska u qaabilsan arrimaha Africa Rory Stewart ku yimid magaalooyinka Muqdisho iyo Hargaysa.

Warkaan waxaa lagu sheegay in wasiirku uu magaalada Muqdisho kula kulmay madax ka tirsan dawlada Soomaaliya sida R/wasaaraha iyo ku xigeenkiisa iyo wasiiro ay ka mid yihiin wasiirka, gaashaandhiga, kan amniga, iyo wasiirka qorshaynta waxaana uu kala hadlay arrimo la xariira amniga iyo horumarka ay laga gaaray sugida amaanka.

“UK waxay diyaar u tahay inay dawlada Soomaaliya kala shaqayso sugida amaanka iyo horumarka arrimaha bulshada ee la gaarayo waxaana door wanaagsan ka qaadanaynaa xoojinta dhaqan galka go’aanada shirkii London ka dhacay” ayuu yiri wasiirka arrimaha Africa ee dawlada Britan Rory Stewart.

Wasiir Stewart waxaa uu xusay inuu ku amaanayo dawlada Soomaaliya horumarka ay ka samaysay dhanka amaanka iyo dagaalka lagula jiro Xarakadda Al-Shabab.

Sidoo kale warkaan kasoo baxay safaaradda Ingiriiska oo nuqul ka mid ah uu soo gaaray Radio Kulmiye waxaa lagu sheegay wasiirku markii uu tagay magaalada Hargaysa uu la kulmay xubno ka tirsan maamulka Somaliland iyo qeybaha bulshada waxaana uu kala hadlay in doorashada madaxtinimada ee Somaliland ka qabsoomaysa bisha November ee sanadkaan ay u dhacdo si cadaalad ah oo madax banaan.

Wasiirkaan xukuumadda Ingiriiska ka tirsan waxaa uu usoo jeediyay dawlada Fedaralka ah ee Soomaaliya iyo maamulka Somaliland ay sii wadaan wadahadaladii horey ugu socday.



Mogadishu – Somalia

Wixii warbixin ah waxaad noogu soo diri kartaa email: ilwareednet@gmail.com
fadlan like saar boggeena facebook : @ilwareedonline

You might also like More from author

Comments

Wuu socdaa sug...
%d bloggers like this: