Dowladda oo ka hadashay dagaalkii ka dhacay deegaanka Bariire

Taliyaha Ciidamada Lugta Generaal Odawaa Yuusuf Raage ayaa warbaahinta Dowladda u sheegay in jab xooggan la gaarsiiyay Al-Shabaab markii ay isku dayeen xalay iney weerar ku soo qaadaan saldhig ciidanka Xoogga dalka ku leeyihiin duleedka deegaanka Bariire,halkaasina looga dilay 20-ka tirsan halka tiro intaasi ka badana looga dhaawacay.

Generaal Odawaa Yuusuf Raage ayaa sheegay in Ciidanka Xoogga dalka ay ka feejignaayeen weerarada kaga imaanaya Al-Shabaab,islamarkaana weerarkaasi ay kala kulmeen khasaro xoogan waa sida uu hadalka u dhigay.

Ciidamada Qalabka sida ayaa maalmihii ugu dambeeyay ka waday gobolka Shabeellaha hoose howlgallo, iyadoo howlgalladii u dambeysay ay kula wareegeen degmada Awdheegle ee Gobolka Shabeellaha Hoose.





For Android Mobile users Ilwareed Online has an App available on Google Play Store, with this App you can get the latest News and Political Analysis every minute.
Download Ilwareed Now.

Follow us on Twitter #ilwareed and Facebook #ilwareedonline