Ciidamo AMISOM ah oo si aad u hubaysan oo gaaray Magaalada Dhuusamareeb.

Ilwareed Online –

Wararka ka imaanaya Magaalada Dhuusamareeb ayaa sheegaya in Ciidamada Midowga Afrika ee AMISOM gaar ahaan kuwa Jabuuti ayaa maanta gaaray magaalada Dhuusamareeb ee xarunta maamulka Galmudug kuwaas oo u jeedka ay u tageen dhuusamareeb lagu sheegay inay sugaan ammaanka magaalada inta lagu guda jiro booqashada madaxweynaha Soomaaliya Maxamed C/llaahi Farmaajo uu ku joogo deegaano ka tirsan maamulka Galmudug.

Cutubka AMISOM ee gaaray Magaalada Dhuusamareeb ayaa ah kuwoo aad u Hubaysan oo sita gaadiid dagaal iyo hubka nuucyadisa kala duwan, waana ciidamo si gaar ah u tababaran.

Dhanka kale Ciidamadaan ayaaka soo ambabaxay magaalada Beledweyne ee xarunta Gobolka Hiiraan, waana ciidamo si aad ah u feejigan, waxayna sugayaan ammaanka madaxweynaha iyo Wafdiga la socda.



Follow us on Twitter #ilwareed and Facebook #ilwareedonline