Ciidamada Dowladda iyo kuwa Al-Shabaab oo ku dagaalamay deegaano ka mid ah Galgaduud.

Wararka naga soo gaaraya gobolka Galgaduud ayaa sheegaya in dagaal u dhexeeya ciidamada xoogga iyo Al-shabaab uu ka socdo deegaanada Sin-dhaqo iyo Labidulle oo ka wada tirsan gobolkaasi.

Dagaalka ayaa la sheegay in uu yimid, kadib markii Ciidamada xoogga guutada 15-aad qeybta 21aad ay saakay dagaal ku qaadeen dhowr fariisimo oo  ay Al shabaab ku lahaayeen deegaanada Sin-dhaqo iyo Labidulle oo ka tirsan gobolka Galgaduud.

Goobjoogayaal ayaa KNN u sheegay in labada dhinac ee dagaalamaya ay isku adeegsanayaan hubka nuucyadiisa kala duwan.

Wararka ayaa intaasi ku daraya in khasaaro uu soo kala gaaray labada dhinac ee dagaalamaya, inkastoo  aan la ogaan karin khasaaraha rasmiga ah ee ka dhashay dagaalka.





For Android Mobile users Ilwareed Online has an App available on Google Play Store, with this App you can get the latest News and Political Analysis every minute.
Download Ilwareed Now.

Follow us on Twitter #ilwareed and Facebook #ilwareedonline