Ciidamada Dowladda iyo Al-Shabaab oo ku dagaalamaya Degaanada Boofoow iyo Kabtanlaas

Wararka ka imaanaya Degaanada Boofoow iyo Kabtanlaas ee Gobolka Sh/Hoose ayaa sheegaya inuu hadda ka soconayo Dagaal u dhexeeya Ciidamada Milatariga Soomaaliya iyo Al-Shabaab.

Iska horimaadka iminka socda ayaa yimid kadib markii Ciidamada Dowladda ay weerar ku qaadeen Fariisimo Al-Shabaab ku lahaayeen deeganadaasi, iyadoo dadka deegaanka ay sheegeen inay Maqlayaan daryanka Madaafiic ee labada dhinac is weydaarsanayaan.
Dhanka kale Ciidamadda Xooga Dalka Soomaaliya ayaa u muuqdo inay durbaba bilaabeen ka jawaab celinta Dalabkii Wasiirka gaashaandhiga ee ahaa in Ciidanka Xooga Dalka Soomaaliya looga Fadhiyo inay Furaan dhamaan Wadooyinka ay ku sugan yihiin Maleeshiyaadka Al-shabaab.