Beesha Caalamka oo ka walaacsan Doorashada Soomaaliya inay ku dhacayso Waqtigeeda.

Beesha Caalamka ee Soomaaliya ayaa war qoraal ah oo ay xalay soo saareen waxay ku sheegeen inay ka walaacsan yihiin is-mari-waaga ka taagan hirgelinta hannaanka doorasho ee 17-kii Sebtember ay ku heshiiyeen Madaxweyne Maxamed Cabdullaahi Farmaajo iyo madaxda Dowlad Goboleedyada.

Waxaa kale oo ay beesha caalamka ay sheegeen in heshiiska 17kii Sebtember uu yahay aasaaska kaliya ee la aqbali karo in loo maro doorashooyinka 2021.

Hadalkan ayaa yimid xilli uu waqtiga doorashada soo dhawaanayo, ilaa haddana aan xal rasmi ah laga gaarin tabashooyinka ay garabyada mucaaradka ka qabaan hannaanka loo qabanqaabinayo doorashada.

Haddaba warka ay soo saareen beesha caalamka iyo waxa uu ka dhigan yahay ayaanu ka wareysanay Jibriil Aw Maxamed oo culluunta Afrika ka dhiga jaamacadda Ohio ee dalka Mareykanka. wuxuu u warramay Fartuun Ismaaciil.





For Android Mobile users Ilwareed Online has an App available on Google Play Store, with this App you can get the latest News and Political Analysis every minute.
Download Ilwareed Now.

Follow us on Twitter #ilwareed and Facebook #ilwareedonline