Al-Shabaab oo shuruud lacageed ku xirtay sii deynta Dhaqaatiirta Cuba ee Afduubka ku haysato.

Muqdisho:- Wargayska Kenya ka soo baxa oo lagu magacaabo Daily Nation ayaa daabacay in Maleeshiyaadka Al-Shabaab madax furasho dalbatay sii deynta dhaqaatiir u dhashay dalka Cuba kuwaas oo ay al-Shabaab bishii tagtay ka soo qafaasheen gudaha dalka Kenya.

Lacagta madaxa furashada ay Al-Shabaab dalbadeen ayaa gaaraysa Sh150 milyan oo shilin lacagta Kenya sida ay sheegeen ergo goor sii horeesay loo xil saaray wada xaajoodka Al-Shabaab ee lagu sii deenayo dhaqaatiirtan.

Waxgaradka wadahadalka loogu diray Al-Shabaab ayaa ka tagay degmooyinka Mandera iyo Balad-Xaawo iyagoo gaaray deegaano u dhaxeeya Buale iyo Ceel-Cade halkaasi oo ay kula kulmeen saraakiil ka tirsan Al-Shabaab.

Odayaashan ayaa sidoo kale xaqiijiyay in labadan dhaqtar oo u ka soo wada jeeda dalka Cuba ay haatan nool yihiin xaaladooda caafimaadna ay aad u wanaagsan tahay, waxayna haatan ku sugan yihiin deegaanada ay Al-Shabaab maamulaan.

Dhanka kale Al-Shabaab ayaa weerarka ay dhaqaatiirtaan ku soo qafaasheen wuxuu dhacay 12-kii Bishii April ee la soo dhaafay iyagoo waqtigaasi sidoo kale dilay askari ilaale u haa dhaqaatiirtaasi.





For Android Mobile users Ilwareed Online has an App available on Google Play Store, with this App you can get the latest News and Political Analysis every minute.
Download Ilwareed Now.

Follow us on Twitter #ilwareed and Facebook #ilwareedonline